Textavinna

Hjá Mosató býður Ástrós upp á aðstoð við textagerð af ýmsu tagi. Hún er menntaður kennari með MA-gráðu í ritlist og hefur víðtæka reynslu.

Prófarkalestur

Hvort sem það þarf að lesa yfir almenna skólaritgerð, meistaraverkefni, blaðagrein eða einhverja tímamótahugleiðingu sem þig langar að birta á Facebook getum við tekið það að okkur.

Almennur taxti er 4 kr./pr. orð og best að senda tölvupóst beint á astros@mosato.is.

Þýðingar

Ástrós hefur langa reynslu af þýðingum af ýmsu tagi og getur aðstoðað ef vantar t.d. aðstoð við eitthvað af eftirfarandi:

• Að snara einföldum íslenskum textum yfir á vinsæl evrópsk tungumál á borð við ensku, dönsku, þýsku, frönsku, spænsku eða ítölsku, t.d. fyrir matseðla veitingastaða eða heimasíður fyrirtækja í ferðaþjónustu.

• Að þýða lauslega fræðigreinar eða tyrfinn texta í námi yfir á íslenskt mannamál – lauslegar samantektir til að ná aðalatriðunum.

• Þýðingar til útgáfu, t.d. skáldsagna, leikrita eða söngleikja, af ensku eða ítölsku yfir á íslensku.

• Þýðingar á söngtextum úr ensku eða ítölsku yfir í bundið íslenskt mál.

Taxti fer eftir umfangi og flækjustigi, hafið samband til að fá sent tilboð.

Ritstjórn

Yfirlestur á lengri texta ætluðum til útgáfu með tilliti til uppsetningar, innihalds og skýrleika. Samvinna og spjall með það fyrir augum að auðvelda höfundi að sjá efnið með augum lesanda sem er að koma að því í fyrsta sinn.

Bókaútgáfa

Mosató hefur tekið að sér útgáfu á einni bók sem kom út fyrir jólin 2020, en það var bókin Jól undir Spákonufelli. Ferlið var allt í höndum fyrirtækisins og bókin sett upp í Adobe InDesign.

Að auki má minnast á talsverða reynslu af uppsetningu heimasíðna með WordPress-forritinu.